42 DK A 5 /2
Hippokratés z Chiu (zachoval Olympiodóros ve spisu In Meteorologica, 45, 24 Stüve)Součástí tohoto zlomku jsou také: 42 DK A 5 /1
[Přepnout na jednoduché zobrazení]
Πυθαγόρας δὲ καὶ ῾Ιπποκράτης (οὐχ ὁ Κῶιος ἀλλ᾿ ὁ Χῖος ὁ τὸν βίον πάλαι ἔμπορος καὶ τὸν παραλογισμὸν τοῦ τετραγωνισμοῦ τοῦ κύκλου ἐξευρηκώς) ἕκτον πλανήτην ἔλεγεν εἶναι τὸν κομήτην ἰσόδρομον τῶι τοῦ ῾Ερμοῦ· διὸ ὥσπερ ὁ τοῦ ῾Ερμοῦ σπανίως φαίνεται, οὕτω καὶ οὗτος· ἀλλ᾿ ὁ μὲν Πυθαγόρας καὶ τὸν ἀστέρα καὶ τὴν κόμην ἐκ τῆς πέμπτης ἔλεγε γίνεσθαι οὐσίας, ὁ δέ γε ῾Ιπποκράτης τὸν μὲν ἀστέρα ἐκ τῆς πέμπτης, τὴν δὲ κόμην ἀπὸ τοῦ ὑπὸ σελήνην τόπου· φησὶ γάρ, ὅτι ἀτμοῦ ἀναφερομένου ἀπὸ τοῦ κομήτου ἐπὶ τὰ ἄνω καὶ ἀνακλωμένης τῆς ὄψεως ἡμῶν πρὸς τὸν ἥλιον γίνεσθαι τὴν κόμην.