23 DK A 10
Epicharmos (zachoval Athénaios ve spisu Deipnosophistae, XIV, 59 Kaibel; p. 648d)[Přepnout na jednoduché zobrazení]
τὴν μὲν ἡμίναν οἱ τὰ εἰς ᾿Επίχαρμον ἀναφερόμενα ποιήματα πεποιηκότες οἴδασι, κἀν τῶι Χίρωνι ἐπιγραφομένωι οὕτω λέγεται·
καὶ πιεῖν ὕδωρ διπλάσιον χλιαρόν, ἡμίνας δύο καὶ (B 58).
τὰ δὲ Ψευδεπιχάρμεια ταῦτα ὅτι πεποιήκασιν ἄνδρες ἔνδοξοι Χρυσόγονός τε ὁ αὐλητής, ὥς φησιν ᾿Αριστόξενος ἐν ὀγδόωι Πολιτικῶν νόμων (fr. 80; FHG II, 289), τὴν Πολιτείαν ἐπιγραφομένην· Φιλόχορος δ᾿ ἐν τοῖς Περὶ μαντικῆς (fr. 193) ᾿Αξιόπιστον τὸν εἴτε Λοκρὸν γένος ἢ Σικυώνιον τὸν Κανόνα καὶ τὰς Γνώμας πεποιηκέναι φησίν. ὁμοίως δὲ ἱστορεῖ καὶ ᾿Απολλόδωρος.